مشكله عاطفيه مش لاقيلها حل

السلام عليكم ورحمة الله وبركاته

اليوم الموضوع من نوع خاص شويه وموضوعي عايز كل وجميع الناس تشارك برائيها فيه

هي مشكله مش كبيره ولكن كبيره جدا جدا جدا

انا ههدخل في الموضوع

اولا هي مشكلة احد اصدقائي وبدون دكر اسمه علي حسب رغبته ..

هدخل في المشكله

مشكلة صديقي ده عاطفيه من الطراز الاول مش عارف اسميها جروح عاطفيه ولا دمار شامل الله اعلم

يمكن انا مضخم الموقف شويه لاكن فعلا الموضوع اكثر من دلك

معلش بطول عليكو لان المشكله اصلا معقده تعقيد تام لصديقي اللي بجد صعبان عليا مووت

الولد ده اكيد لديه مشاعر داخليه واكيد عنده قلب بيحب بيه وبيكون عايز يتحب طبعا

الولد ده مر ببعض المصادفات والمشاكل والحواجز اللي بعدته انه يعيش حياته

هو الان عنده 17 عام او هيكملهم قريبا

بدء الولد ده الحب او يعرف معناه ويحس بيه وهو عنده 11 سنه احب بنت بشده بل بشده جدا جدا
وبالفعل ارتبط بيها وفجأه حدث ما لم يكن يتوقعه ووجدها تتركه وتقوله انا مش قادره اكمل ويفاجأبالاصعب والاقوي وانها ترتبط
باقرب صديق له ومن وقتها وهو واخد في اعتباره ان البنات دول اسوء ما في الارض وايضا ان لا يحب الاقتراب منهم باي شكل من الاشكال

وبعد مرور 2 علي هدا الموضوع وجد ضالته واللي مكنش لاقيه في اي بنت في الدنيا في البنت دي وفعلا احبها بشده وارتبط بها ويمكن ان هي اكتر حب في حياتو ..المهم ان بعد ارتباطهم وجد اصحابه واصدقائه اقرب الناس ليه يكرهون الخير ليه ويحاولو خلق اي شيئ لابعادهم عن بعض ونجحوا فيما يريدون وكانت الصدمه للولد ده فيما يكتشفه بعد دلك ومش قادر انو يصلحه والصدمه الاكبر انو يلاقي البنت اللي احبها بشده ترفض السماع له او العوده له مره اخري لانها ارتبطت بصديقه صاحبه واقرب الناس ليه واللي حاول الوقيعه بينهم
...والله يسامحو اللي كان السبب .

وبعد فتره من الصدمه واللي جعلته تايه في الدنيا وجد اصدقائه واقرب الناس ليه ايضا يوهمونه ببنت ويؤكدون له انها بتحبه وان ممكن الحب بينهم ييجي بعد كده وا هو لما ارتبط باللي قبليهم وكانو بيحبوا حصل بلاوي ..وقالولو انو يجرب يمكن ينجح وبالفعل وافق يمكن ينسي الدنيا ويعيش معاها اجمل ايام حياتو وبعدها يكتشف ان هو طلع كوبري نعم كوبري ..كوبري بينها وبين صاحبه وبدون الدخول في تفصايل الكوبري لانها محتاجه مهندس عالمي لكي يشرح هدا الموقف ولكن المهم ان البنت دي ارتبطت بصاحبه وكانت الصدمه ليست فيها ولاكن في صاحبه ولكن انتهي الموضوع.

اوضحلكم شيئ ان الصحاب اللي بيرتبطوا دول مش واحد بس بيرتبط بيهم كلهم لا دول اصحاب متنوعين

نرجع للموضوع الولد ده فكر انو يرتبط تاني ووجد فعلا الحب اللي هيعوضوا عن الدنيا كلها بنت احبها قبل ما يرتبط بجميع الناس يعني حبها من زمااااااااان جدااا ولكن شائت الظروف انهم ميرتبطوش وجمعتهم الدنيا تاني وارتبطوا تاني وكان حاسس انو طاير من السما لانه ساب قلبو ليها بشكل غرييب وحبها موووووت واعتقد انها دلك ولكن ايضا يجد اللي بينصحها وعايش في دور المصلح الاجتماعي وهو مش يقصد انو ينصحها ولكن يقصد عدم رغبته في الارتباط وخلاص لانه فعل دلك مع اللي قبلها ولكن بعد دلك طلبت هده البنت انها تبعد حاجه غريبه طبعا ولاكن كانت زعل كبيير للولد ده وقال انو يا هيكمل معاها يا اما بلاش .


وبعد مرور الوقت وجد بنت ولاكن للامانه وبصدق منه هو لم يحبها ولكن ارتبط بيها لكي ينسي اللي قبلها وايضا تشاء الظروف وتفشل العلاقه

وبعد كل ده اصبح محطم نفسيا ولكن عنده ولو بصيص من الامل للعوده مره اخري لحبيبته اللي قبل الاخيره

وبئا خايف يروح يقولها نرجع ترفض فبكده تكون قطعت اي شيئ حلو ممكن يرجعهم وخايف يسكت تكون عايزه ترجع والبنت مينفعش تقول للولد اكيد ..ولكن في عصرنا ده كل شيئ اتغير

وفي نفس الوقت خايف يرتبط بحد تاني تكون البنت اللي فاتت لسه بتحبه يندم او العلاقه الجديده تفشل ايضا

طبعا من الشكل العام العيب في الولد وليس في البنات ولكن لما تدقق في الموضوع تكتشف ان العيب في الناس اللي مش عايزاه يعيش حياته

انا معرفتش احلله مشكلته ارجو ان كل واحد يقول رائيه يمكن يحلله مشكلته


مع خالص تقديري