شوية نكت انما اية ...............!!

[] مرة واحد كان معاه ورقة ب18 جنيه (مزورة يعني) كل ما يروح لحد عشان يفكها يطلعو يجرو وراه المهم قالك أروح الصعيد عالم مقفلة و ملهاش دعوة بالحياة راح لكشك فيه راجل عجووووووووووووووووز قاله والنبي يا حاج فكلي ال18 جنيه دول الحاج خادها بص فيه بعدكده بصله و قاله ماشي و فعلا فكها و أدلو ورقتين بتسعتين

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش

• سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

• اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

• بلديات فتح محل انابيب غاز .. فجّر انبوبتين فى وسط البلد .. دعاية

اتمنى انى اكون ضحكتكم شوية ومرخمتش عليكوا

ههههههههههههههههه
ضحكتنى وانا ماليش نفس اضحك
الواحد صايم وتعبان وانت جيت فى النص كده بنكتك الفقر دى
بجد فكيت عنى يا كرانشى
ومشكووووووووووور

ههههههههههههه

بجد جامده اخر حاجه انا دحكت من قلبي

ميرسي اوي يا كرانشي

مع خالص تحياتي

شكرا شوشو شكرا سمسما على الكلام الجميل ده

بجد نورتى موضوعى وياريت اكون فكيت عنكوا شوية

وشكرا مرة كمان

هههههههههههههههههههه
ههههههههههههه

نكت زي العسل يا كرانشي

ربنا ما يحرمنا من نكتك القديمه دي

خخخخخخخخخخخ