العبد لله علي كرسي الاعتراف

السلام عليكم ورحمة الله وبركاته

كان من المفترض ان تكون سمسما علي كرسي الاعتراف

ولكن لعدم تواجدها بشكل مستمر الفتره الاخيره يضمن لنا اجابتها علي الاسئله

فتم تاجيل وضعها علي الكرسي لمره قادمه ان شاء الله

ونظرا ايضا ان كل الناي هتعد علي الكرسي وانا واحد منهم فتطوعت اني اكون بدل سمسما المره دي

علشان اخلص وبعديها هختار انا مين اللي هيكون علي الكرسي

ساظل علي كرسي الاعتراف لمدة يومين استقبل اسئلتكم واجاوب عليها بكل صراحه

منتظر منكم الاسئله ان شاء الله

مرحبا شادو على الكرسى

وانا اقول الكرسى مضلم لية

هههههههههههههه

انا بهزر والله ده انت منورنا على الكرسى وعلى الكنبة وفى المنتدى كله

انا مش هطول واسئلتى كالتالى :

1)امتى اخر مرة بكيت فيها؟ ولية ..لو ينفع تقول يعنى؟؟

2)عايزاك تقولى على اهتماماتك فى الحياة؟؟

3)من معلوماتى المتواضعة عنك اعرف انك بتحب ... هل الى بتحبها بتحبك زى ما انت بتحبها..؟؟
واية الحاجة الى نفسك تغيرها فيها؟؟

4)مين اكتر انسان افتقدته فى حياتك؟؟

5)كل واحد فينا بيبقى عنده صديق او اتنين على الاقل بيحبهم اوى واسراره كلها معاه وبيكونوا كل حاجة فى حياته,,, قولى كدة واحد او اتنين من اصدقائك دوول وهل فعلا يستحقوا حبكم ليهم ده؟؟

6)انى اكتر يوم شادو قضاه وحس انه مش هيحى زيو تانى؟؟

7) لو رجع بيك الزمن ورا هتختار يرجع بيك لحد فيين وهتاخد اية من الماضى للحاضر؟؟

معلش طولت عليك يا شاد ورخمت عليك شوية

ولا يهمك يا كرانشي كلنا لها

وهخش في الاجابات علي اسئلتك يل كرانشي بيه

1)امتى اخر مرة بكيت فيها؟ ولية ..لو ينفع تقول يعنى؟؟
بصراحه انا متدكرش اني بكيت من قلبي قريب ... لكن انا اصلا دمعتي قريبه اوي وممكن ابكي من اقل حاجه تاثر فيا .

2)عايزاك تقولى على اهتماماتك فى الحياة؟؟
اهتماماتي في الحياه كتير ولكن طبعا اهمهم مستقبلي واهلي واصحابي كل ده حاجات مهمه في حياتي ومن اولوياتي
3)من معلوماتى المتواضعة عنك اعرف انك بتحب ... هل الى بتحبها بتحبك زى ما انت بتحبها..؟؟
واية الحاجة الى نفسك تغيرها فيها؟؟
وانا برضو من معلوماتي المتواضعه انها بتحبني لكن ادا كان بتحبني قد ما بحبها انا بصراحه مقدرش اكدلك هل هي كده فعلا ولا لا لاكن انا بتمني انها تكون بتحبني ربع ما بحبها علشان حبي ليها مهما تخيلته مش هيوصل للحقيقه ...اما الحاجه اللي فيها نفسي اغيرها بصراحه هي فيها حاجات كتيير اتغيرت اوي اوي عن زماان وبتمني انها تفضل كده ان شاء الله لكن بتمني طبعا ان الرومانسيه اللي بيني وبينها تزيد شويه يمكن ده اللي نفسي يكون موجود بينا .
4)مين اكتر انسان افتقدته فى حياتك؟؟
بصراحه مفيش لان كل الناس اللي بحبهم وبتمني انهم يكونوا جبني هم جنبي ومعايا وربنا يخليهم ليا
5)كل واحد فينا بيبقى عنده صديق او اتنين على الاقل بيحبهم اوى واسراره كلها معاه وبيكونوا كل حاجة فى حياته,,, قولى كدة واحد او اتنين من اصدقائك دوول وهل فعلا يستحقوا حبكم ليهم ده؟؟انا ليا اصدقاء كتيير بحبهم وقريبين مني لاكن اقدر اقلك ايمن ومحمود او كرانشي ومانشوو دول حبايبي واصحابي واخواتي واللي بيقفوا معايا في الفرح وفي الحزن بجد مش هلاقي اصحاب زيهم ولا لاقيت اصحاب قبلهم وبعد كل اللي قلته ده ياكد انهم يستحقوا حبي ليهم وزياده حبتين
6)انى اكتر يوم شادو قضاه وحس انه مش هيحى زيو تانى؟؟
كل دقيقه بقضيها مع حبيبتي وكل دقيقه بقضيها مع صحابي مش يتعوضوا وبيبقوا احلي اوقات عمري لاكن مقدرش اقلك فيه وقت محدد عدي عليا مش هيجي زيو .

7) لو رجع بيك الزمن ورا هتختار يرجع بيك لحد فيين وهتاخد اية من الماضى للحاضر؟؟
احب ارجع لسنتين فاتو كانت احلي سنه مرت عليا ...لكن مفيش حاجه اخدها معايا لاني اللي عايز اخدو منو هو معايا دلؤتي .

اتمني يا كرانشي اني اكون اوفيت في اجاباتي

مع خالص تقديري لك

منور الكرسى يا شادو والله

وانا اسئلتى ان شاء الله تكون خفيفه عليك كده

1- الاعضاء دول بنسبالك ايه وايه رئيك فيهم؟

lolla

kranshy

shosho

smsma

الدلوعه

2-اكتر ايام محببين الى قلبك بتمنى ان اليومد يجى بسرعه وبتوقل امتى هيجى اليوم ده
يعنى قصدى ايام معينه انت بتحبها عايزها تيجى زى مثلا يوم عيد ميلادك يوم انت بتحبه وكده ويوم تانى انت مستنيه يجيه بفارغ الصبر وبتقول امتى بقى اليوم ده يجى؟

3- اختار 3 توجهلهم كل واحد رسالة و قول ايه هي الرسالة و لمين؟

4-قدامك اربع اشخاص كل شخص تهديلو اغنيه قول الاشخاص وقول الاغانى؟

5-امتى ممكن تبعد عن الانسانه اللى بتحبها؟

6-مين الشخص اللى انت اخر واحد ممكن تفكر انك تخبى عليه حاجه؟

7-لو انت مش عاجبك نفسك تتمنى تكون زى مين اللى حواليك فى اخلاقه وحب الناس ليه والحجات دى؟او الحجات اللى نفسك تاخدها من كل شخص قولنا الحجات والاشخاص؟

معلش يا جميل طولت عليك

بس يارب اسئلتلى تكون خفيفه عليك

اهلا بيكي يا الاء باسئلتك الرخمه

اقصد اللي زي العسل طبعا ده انتي الخير والبركه كلها

وهبدء باجاباتي
الاعضاء دول بنسبالك ايه وايه رئيك فيهم؟
lolla : الاء دي صديقة عمري وانتمتي واقرب صديقه لقلبي لما بحس اني مضايق بتكلم معاها فاهماني جدا جدا هي اختي رقم 3 اللي ربنا مدهانيش .. لو فضلت اقولكوا مش هقدر اوصفلكم قد ايه انا بعزها وهي فعلا من اغلي واحب الناس ليا ... وهي طيبه جدا وعسوله اوي اوي اوي اه ونسيت اقلكم حاجه الاء دي عندي (( حاجه تانيه))

kranshy : ده هقف كتيير اوي وهتكلم كتيير اوي بص برضو مش هوفيلو حقو ده اخويا وصحبي وحبيبي وصديقي وانتيمي واللي اسراري كلها معاه بحبه بجد حب اكتر من اخويا اللي بيني وبينو عشرة عمر وصداقه مند الصغر كل واحد فينا فاهم التاني ومبيحبش يزعل التاني من الاخر يعني حبيب قلبي وصديق عمري... وطبعا رائيي فيه ان شاب زي العسل شخصيه عسوله اوي راجل جدا وطيب اخر حاجهومش هقول العيوب سيبونا نقول المميزات بس .

smsma : طبعا دي صديقتي واختي يمكن معرفتي بيها مش من فتره بعيده اوي لاكن حاسس اني اعرفها من ساعت لما اتولدت بنوته جدا طيبه جدا وحساسه جدا وجدعه جدا جدا جدا واقدر اقلكوا من الصعب تلاقو حد بالجدعنه دي والطيبه دي انا عايز اقول فيها اكتر من كده لاكن كله في القلب طبعا

الدلوعه : طبعا اختي حبيبتي هي عاقله في بعض الاوقات لكن سوسه اخر حاجه هههههههه لا طبعا يا دلوعه انا بهزر يا جماعه ساره دي جدعه جدا وطيبه جدا ومطيعه جدا في بعض الاوقات من الاخر برضو ((ربنا يخليهالي))

shosho : انا خليتها في الاخر علشان مينفعش تكون كده في النص وسط الكلام لازم اتكلم عنها براحتي برضو هقلكم زي ما قلت قبل كده شوشو لو قالولي اكتب فيها كتاب مش هوفي حقها دي محتاجه دواويين لاكن هي بالنسبالي كل حاجه في حياتي هي حياتي حبيبتي وروح قلبي اللي مقدرش اتخيل حياتي من غيرها بحلم بيها وانا نايم وانا صاحبي بفكر فيها عمرها ما بتروح عن بالي محدش يحس باحساسي ده غير اللي يقرب مني ولو يوم فكرت تبعد عني او تفكر في حد غيري وده انا مستبعدو انا ممكن ساعتها اقتلها لاني مقدرش اتخيل شوشو غير معايا وهروح ميت وراها علطول
ربنا يخليهالي وتفضل معايا جنبي .. اما رائيي فيها كان زمان فيها عيوب كتير مكنتش بتعجبني لاكن دلؤتي بقول فين شوشو دي من زمان ياريتك كده علطول وتفضلي كده علطول طيبه وحنيه ورقه وعسل وكل الصفات الحلوه فيها.

2-اكتر ايام محببين الى قلبك بتمنى ان اليومد يجى بسرعه وبتوقل امتى هيجى اليوم ده
يعنى قصدى ايام معينه انت بتحبها عايزها تيجى زى مثلا يوم عيد ميلادك يوم انت بتحبه وكده ويوم تانى انت مستنيه يجيه بفارغ الصبر وبتقول امتى بقى اليوم ده يجى؟
انا طبعا الايام المحببه علي قلبي هو شهر اكتوبر باكمله فهو بصراحه من اجمل الشهور مش عشان انا مولود فيه لاكن بحس براحه نفسيه لما بيجي الشهر ده فهو ايامه من احب الايام لقلبي وكمان فيه عيد ميلاد كل الناس اللي بحبهم بما فيهم العبد لله.. انا مش فاهم انتي تقصدي يوم من الايام يجي ولا يوم هيحصل فيه حاجه انا هقلك الاثنين اليوم اللي بتمناه يجي بسرعه هو يوم 7 اكتوبر علشان ده يوم عيد ميلاد اعز واغلي انسانه في حياتي .. اما الحدث فبتمني ان يجي اليوم اللي اكون انا وحبيبتي مع بعض لوحدينا و اودام العالم كله ومخبيش علي حد ساعتها بحبنا لبعض (( يوم خطوبتنا و جوازنا طبعا)) ان شاء الله 4-قدامك اربع اشخاص كل شخص تهديلو اغنيه قول الاشخاص وقول الاغانى؟

اجدع صحاب بتاعة جنات (( لكرانشي ))
الله يباركلي فيك ((لوالدتي))
يهمك في ايه (( لحد بلاش ادكره))
جايالك بتاعة جنات (( لشوشو))

5-امتى ممكن تبعد عن الانسانه اللى بتحبها؟
طبعا موضوع البعد عن حبيبتي ده يبئا قرار صعب طبعا وبتمني ان ميحصلش الحاجه اللي تخليني اخدو
انا ممكن استحمل اي حاجه في الدنيا لاكن حجتين بظبط ممكن تخليني ابعد
لما احس انها مش بتحبني ومش عايزاني وتاني حاجه مش عايز اقلها دلؤتي.

6-مين الشخص اللى انت اخر واحد ممكن تفكر انك تخبى عليه حاجه؟
كرانشي ..ولولا ...... بتمني اني مخبيش حاجه علي حبيبتي لاكن بحس ان هي مش عايزه تعرف حاجه عني لاكن لو حسيت انها مهتمه اكيد مش هخبي حاجه ابدا عليها.
7-لو انت مش عاجبك نفسك تتمنى تكون زى مين اللى حواليك فى اخلاقه وحب الناس ليه والحجات دى؟او الحجات اللى نفسك تاخدها من كل شخص قولنا الحجات والاشخاص؟
طبعا انا حتي لو معجبنيش حاجات فنفسي انا من طبعي مبخدش من شخص زيي زيو
ولما افكر اقتضي بحد او اخد باخلاق حد مش هلاقي افضل من رسول الله سيدنا محمد صلي الله عليه وسلم... لاكن لو فيه شخص بحب اخد منه حاجات كتيير فهو خالي من احب الناس لقلبي وانا طالعله في حجات كتير وبحب اخد منو الحاجات الحلوه اللي بتعجبنيالحمد لله خلصت اتمني اني برضو اكون اوفيت باجاباتي

مع شكري ليكي يا لولا علي الاسئله اللديده

معلش يا لولا انا نسيت السؤال رقم 3
3- اختار 3 توجهلهم كل واحد رسالة و قول ايه هي الرسالة و لمين؟
الرساله الاولي لكل صحابي (( ربنا يخليكو ليا ))

الرساله التانيه لشوشو (( بحبك .. وربنا ميحرمنيش منك ونفضل مع بعض علطول بنحب بعض علطوول))

الرساله الثالثه والاخيره لاي حد زعلان مني او شايل مني في حاجه ((حقكوا عليا لو كنت زعلتكوا))

» يا هنانا يا فرحنا عندنا ((اهلا بيكي علي كرسي الاعتراف ))